Idman.biz
"Monako"nun baş məşqçisi Adi Hyütter komandanın yeni transferi Pol Poqbanın bərpa prosesi barədə açıqlama verib.
İdman.biz xəbər verir ki, mütəxəssis fransalı futbolçunun hələ tam hazır olmadığını bildirib:
"Pol ilə məşqlərdə yükünü tədricən artırırıq. Hazırda bərpa mərhələsindəyik", – deyə A.Hyütter qeyd edib.
Xatırladaq ki, Pol Poqba bu yay dopinq səbəbilə aldığı diskvalifikasiyanın başa çatmasından sonra azad agent kimi "Monako"ya keçib. O, Avropa Liqasının qalibi, İtaliyanın 4 qat çempionu, 2 qat İtaliya Kuboku qalibi, Fransa millisinin isə 2018-ci il Dünya Çempionu və Millətlər Liqasının qalibidir.
