Sport24.az
Əlil arabasında yaşlı kişini vuran "İnter"in qapıçısı Xosep Martinesə bir həftəlik istirahət verilib və o, psixoloq yanına gedəcək. Sport24.az xəbər verir ki, bu barədə "La Gazzetta dello Sport" məlumat yayıb.
Faciə çərşənbə axşamı səhər "İnter"in məşq meydançasının yaxınlığında baş verib. Əlil arabasında olan 81 yaşlı kişi yola çıxıb və Martinesin idarə etdiyi avtomobil tərəfindən vurulub. Martinez yaralı kişini xilas etmək üçün əlindən gələni edib, lakin o, xəstəxanada ölüb. Martinesin hadisədən sonra şokda olduğu bildirilir. Hüquq-mühafizə orqanları ölümcül qəzanın bütün təfərrüatlarını araşdıracaq.
Qeyd edək ki, Martines "İnter"ə 2024-cü ildə "Genoa"dan keçib. 27 yaşlı qapıçı "nerazzurri"də 12 oyun keçirib.
