Report.az
İsveçrə futbol yığması səfərdə ABŞ-ni darmadağın edib.
"Report" xəbər verir ki, ABŞ-nin Tennessi ştatının Neşvill şəhərindəki "Geodis Park" stadionunda keçirilmiş qarşılaşma 4:0 hesabı ilə başa çatıb, isveçrəlilər bütün dörd qolu matçın ilk 36 dəqiqəsində vurublar.
Görüşün 13-cü dəqiqəsində İsveçrə hücumçusu Dan Ndoy hesabı açıb. 10 dəqiqə sonra "qırmızı xaçlılar"ın iki yarımmüdafiəçisi Mixel Ebişer və Yohan Manzambi qonaqların üstünlüyünü artıran kombinasiya qurublar. 33-cü dəqiqədə hücumçu Bril Embolo matçda üçüncü qolu vurub. Yekun nəticəni yarımmüdafiəçi Ardon Yaşarinin ötürməsindən sonra qol vuran Manzambi müəyyənləşdirib.
Qeyd edək ki, argentinalı mütəxəssis Maurisio Poçettinonun rəhbərliyi altında ABŞ yığması dalbadal dördüncü məğlubiyyətini alıb.
