Idman.biz
Rusiyalı iş adamı Roman Abramoviçin nümayəndəsi "Çelsi"nin keçmiş prezidentinin Türkiyənin "Qalatasaray" klubunu almaq niyyətində olması ilə bağlı yayılan xəbərləri təkzib edib.
İdman.Biz daha əvvəl Türkiyə mediasına istinadən xəbər vermişdi ki, klub hazırda fondun idarəsi altında olduğundan "Qalatasaray"ın aktivləri fiziki şəxslərə və ya xarici investorlara satıla bilməz.
"Bu məlumat həqiqətə uyğun deyil. Cənab Abramoviç heç bir futbol klubu almır və ya sərmayə qoymur", - biznesmenin nümayəndəsi "Championat"a bildirib.
Xatırladaq ki, Türkiyənin "Sözcü" qəzeti bundan əvvəl Abramoviçin türk nəhənglərinin səhmlərinin nəzarət paketini almağı planlaşdırdığını bildirmişdi.
Abramoviç 2003-cü ildə Londonun "Çelsi" klubunun sahibi olub. 2022-ci ilin mayında iş adamı klubu amerikalı investor Todd Boulinin rəhbərlik etdiyi konsorsiuma satıb.
