Sport24.az
"İlk oyunda nə qədər yaxşı oynasaq da, rəqibə məğlub olduq. Əslində meydanda üstün biz idik, tabloda isə rəqib". Busözləri Sport24.az-a açıqlamasında "Qarabağ"ın futbolçusu Abdullah Zubir deyib.
Ağdam təmsilçisinin kapitanı səfərə yalnız qələbə üçün yollandıqlarını və sonda istəklərinə çatdıqlarını da vurğulayıb: "Cavab matçının daha da ağır olacağını bilirdik. Buna rəğmən Bolqarıstana revanş üçün yollanmışdıq. Erkən qol vursaq da, irəliləyən dəqiqələrdə səhvlərə yol verdik. Nəticədə qapımızda 2 qol gördük. Buna baxmayaraq, ruhdan düşmədik və fasiləyə qədər daha iki dəfə rəqib qapıçını məyus etdik. İkinci yarı bizim üçün çox çətin keçdi. Amma ümidimizi itirmədik. Əlavə vaxtda sanki ikinci nəfərsimiz açıldı. Rəqib özünə gəlmədən ardıcıl qollar vurmaqla Bakıdakı matçın heyfini artıqlamasıyla aldıq. Şadam ki, böyük zəfər qazandıq və "Qarabağ"la daha bir tarixə imza atdıq".
Qeyd edək ki, ilk görüşdə "Ludoqorets"ə 1:2 hesabı ilə məğlub olan "Qarabağ" dünən səfərdə Bolqarıstan təmsilçisini 7:2 hesabı ilə yenməklə pley-offa yüksəlib.
ABDULLA İSMAYILOĞLU
