Sport24.az
"Çox qol fürsətimiz oldu. Amma istifadə edə bilmədik". Bu sözləri Sport24.az-a açıqlamnasında "Sabah"ın futbolçusu Abdulla Xaybulayev deyib.
23 yaşlı yarımmüdafiəçi "Sumqayıt"la qolsuz heç-heçə etdikləri Azərbaycan Kubokunun 1/4 final mərhələsinin ilk oyunu ilə bağlı fikirlərini bölüşüb:
"Bu rəqiblə əvvəlki matçımızda da çox qol fürsəti yaratmışdıq. Təəssüf ki, top heç cür qapıya daxil olmadı. Belə anlarda nə isə demək çətindir. Sadəcə, yol verdiyimiz səhvləri araşdırmalı və növbəti qarşılaşmalarda buna yol verməməliyik".
Oyunçu yarımfinala vəsiqə qazanmaq ehtimalları barədə də danışıb: "Hazırda şanslar 50-50-dir. Cavab oyununda əlimizdən gələni etməliyik ki, qalib gələrək növbəti mərhələyə vəsiqə qazanaq".
Qeyd edək ki, komandalar arasındakı cavab oyunu fevralın 27-də keçiriləcək.
