Sport24.az
"Qol və məhsuldar ötürmə ilə yadda qaldığım üçün çox xoşbəxtəm". Sport24.az-ın məlumatına görə, bu sözləri "Sabah"ın futbolçusu Aaron Maluda deyib.
Fransanın "Lill" klubuna məxsus olan və icarə əsasında Bakı təmsilçisində çıxış edən 19 yaşlı vinger "bayquşlar"ın mətbuat xidmətinə açıqlama verib.
O, "Zirə"yə evdə üç cavabsız qolla qalib gəldikləri Misli Premyer Liqasının VIII turunun oyunu ilə bağlı fikirlərini bölüşüb:
"Turnir cədvəlindəki rəqiblərimizi irəli buraxmamalıyıq. Ona görə ikiqat xoşbəxtəm. Bu üç xal çox vacib idi. Yaxşı nəticələr qazanmaq üçün azarkeşlərimizin dəstəyinə ehtiyacımız var. Biz birlikdə güclüyük".
Qeyd edək ki, "Sabah" IX turda "Araz-Naxçıvan"la üz-üzə gələcək.
