Idman.biz
İtaliya A Seriyası mövsümünün 20-ci turunda "Atalanta" və "Torino" arasında keçirilən oyun başa çatıb.
İdman.Biz xəbər verir ki, komandalar İtaliyanın Berqamo şəhərindəki "Stadio Jewiss - Atleti Azzurri d'Italia" stadionunda oynayıblar.
Meydan sahibləri 2:0 hesabı ilə qalib gəliblər.
Matçın ilk qolunu Şarl De Ketelaere vurub. Belçikalı yarımmüdafiəçi 13-cü dəqiqədə meydan sahiblərinin hesabda irəli çıxmasını təmin edib. Mario Paşaliç 90+5-ci dəqiqədə "Atalanta"nın ikinci qolunu vurub.
23:59
İtaliya A Seriyasının 20-ci turunda "Roma" evdə "Sassuolo"nu 2:0 hesabı ilə məğlub edib.
İdman.Biz xəbər verir ki, Manu Kone 76-cı dəqiqədə hesabı açıb. Üç dəqiqə sonra Matias Soule "Roma"nın fərqini ikiqat artırıb.
"Roma" (39 xal) A Seriyasında üçüncü yerə yüksəlib. "Sassuolo" (23 xal) turnir cədvəlində 12-ci yerdədir.
21:38
İtaliya A Seriyasının 20-ci turunda "Komo" evdə "Bolonya" ilə 1:1 hesablı heç-heçə edib.
İdman.Biz xəbər verir ki, qonaqların hücumçusu Nikolo Kambiagi 49-cu dəqiqədə hesabı açıb. O, 11 dəqiqə sonra meydandan qovuldu və komandasını on nəfərlə tərk edib.
Martin Baturinanın 90+4-cü dəqiqədəki qolu ev sahibi komandaya heç-heçəni təmin edib.
"Bolonya" (27 xal) A Seriyasında səkkizinci yerdədir. "Komo" (34 xal) turnir cədvəlində altıncı yerdədir. Sesk Fabreqasın komandasının üç oyunluq qələbə seriyası başa çatıb.
Paralel matçda "Udineze" və "Piza" 2:2 hesablı heç-heçə ediblər.
