Idman.biz
"Dorkinq Uonderers" futbol klubu çətin vəziyyətə düşdüyündən 54 yaşlı azarkeş Terri Dannı ilə Milli Liqanın Cənub Divizionunda" AFC Totton"a qarşı matçda qapıda dayanmaq üçün müqavilə imzalayıb.
İdman.biz-in məlumatına görə, Mark Uaytın yetirmələri qapıçıları Harrison Foulkesi dalaq zədəsi səbəbindən itiriblər və qarşıdakı oyun üçün onun əvəzedicisi yoxdur.
Dann gənclik illərində yerli komandalarda, o cümlədən hazırda fəaliyyətini dayandırmış "Nort Holmvud"da çıxış edib, lakin son 28 ildə peşəkar meydançada oynamayıb. "Qapıda dayanmaq velosiped sürməyə bənzəyir, bunu heç vaxt unuda bilməzsən. Sadiq bir "Dorkinq" azarkeşi olaraq komandanın qol buraxmaması üçün hər şeyi etməyə hazıram", - deyə o, bildirib.
Baş məşqçi Mark Uayt isə qeyd edib ki, Dann çevik olmaya bilər, lakin onun fədakarlığı və cəsarəti kritik anda kömək edəcək. Klub gələn həftə icarə əsasında yeni qapıçı almaq istəyir, lakin "Totton"la oyunda qapını sevimli komandasında oynamaqla bağlı çoxdankı arzusunu reallaşdıracaq azarkeş qoruyacaq.
İdman.biz
