Sport24.az
Bu gecə Amerika kuboku start götürəcək. Sport24.az xəbər verir ki, 48-ci dəfə təşkil olunacaq yarışa ABŞ ev sahibliyi edəcək.
Yarışda Cənubi Amerikanın 10 komandası və KONKAKAF-ı təmsil edən 6 yığma mübarizə aparacaq. İştirakçılar 4 qrupa bölünüb.
Son çempion Argentina titulunu qorumağa çalışacaq. Lionel Messi və komandası əsas rəqibləri Braziliya ilə yalnız finalda qarşılaşa bilər. Həlledici qarşılaşma iyulun 14-dən 15-nə keçən gecə baş tutacaq.
Qrupların tərkibi isə belədi:
A qrupu: Argentina, Kanada, Peru, Çili
B qrupu: Ekvador, Venesuela, Meksika, Yamayka
C qrupu: ABŞ, Boliviya, Uruqvay, Panama
D qrupu: Kolumbiya, Paraqvay, Braziliya, Kosta-Rika
