Sport24.az
İtaliya A Seriyasına vəsiqə qazanan ikinci komandanın adına aydınlıq gəlib. Sport24.az xəbər verir ki, "Sassuolo"dan sonra "Piza" da elitada çıxış etmək hüququ qazanıb.
Filippo İnzaginin rəhbərlik etdiyi kollektiv B Seriyasının 36-cı turunda səfərdə "Bari"yə 0:1 hesabı ilə uduzub. Lakin bu məğlubiyyət "Piza"nın A Seriyasına yüksəlməsinə mane olmayıb. Belə ki, onların ən yaxın izləyicisi olan "Spetsiya" da bu turda uduzub. Mövsümün bitməsinə 2 tur qalmış "Piza" "Spetsiya"nı 9 xal qabaqlayır.
Qeyd edək ki, "Piza" sonuncu dəfə 1990/1991 mövsümündə İtaliya A Seriyasında iştirak edib.
