"Roma"nın sabiq müdafiəçisi Leonardo Spinazzola yeni klubla müqavilə imzalayacaq. Sport24.az xarici KİV-ə istinadən xəbər verir ki, italiyalı futbolçu hazırda "Napoli"nin düşərgəsində tibbi müayinədən keçir.
Spinazzolanın "Roma" ilə müqaviləsi başa çatıb. 31 yaşlı futbolçu bir müddət əvvəl Antonio Kontenin rəhbərlik etdiyi "Napoli"yə keçməyə razılaşıb.
Qeyd edək ki, Spinazzola İtaliya millisi ilə Avropa çempionatının qalibi olub. O, A Seriyasının son mövsümündə 24 oyun keçirib və 1 qol, 2 məhsuldar ötürmə ilə yadda qalıb.