Sport24.az
"Sabah" və "Qəbələ"nin sabiq futbolçusu Zurab Oçiqava karyerasını bitirib. Sport24.az xəbər verir ki, o, bunun səbəbi ilə bağlı Ukraynanın "Sport" nəşrinə müsahibəsində danışıb.
Gürcü əsilli ukraynalı futbolçu məşqçiliyə başlayacağını bildirib.
Oçiqava müsahibəsində karyerasının ən uğurlu dönəmini "Sabah"da keçirdiyini də deyib: "Sabah"dakı dövr, şübhəsiz ki, əcnəbi karyeramın ən yaxşısı idi. Bu klub mənə çox şey verdi, buna görə minnətdaram".
Qeyd edək ki, Zurab 2021-ci ilin əvvəlindən 2023-cü ilin yayınadək "Sabah"da, 2023-24 mövsümündə isə "Qəbələ"də oynayıb. O, zədə səbəbindən uzun müddət yaşıl meydanlardan kənarda qalmışdı.
