Idman.biz
2026-cı il dünya çempionatının qrup mərhələsinin püşkatma mərasiminin keçiriləcəyi məkan və vaxtı məlum olub.
İdman.biz xəbər verir ki, tədbir dekabrın 5-də Las-Veqasda keçiriləcək.
Püşkatma heç bir oyuna ev sahibliyi etməyəcək şəhərin Sfera zalında baş tutacaq. Təxminən 17,5 min tamaşaçı tutumuna malik olan zal dünyanın ən böyük komplekslərindən biri hesab edilir. 50 min kvadratmetrdən çox sahəsi olan məkan unikal ekranla təchiz olunub.
Qeyd edək ki, 2026-cı il dünya çempionatında 48 komanda iştirak edəcək. İyunun 11-dən iyulun 19-dək keçiriləcək turnirə ABŞ, Kanada və Meksika ev sahibliyi edəcək. Sonuncu dünya çempionu 2022-ci ildə final matçında penaltilər seriyasında fransızlardan güclü olan Argentina komandasıdır.
İdman.biz
