Idman.biz
2026-cı ildə keçiriləcək futbol üzrə dünya çempionatının püşkatma mərasiminin vaxtı bəlli olub.
İdman.biz xəbər verir ki, bu barədə Ağ Evdəki çıxışı zamanı ABŞ prezidenti Donald Tramp danışıb.
O, mərasimin dekabrın 5-də Vaşinqtondakı Con Kennedi Mərkəzində keçiriləcəyini açıqlayıb.
Bu gün FİFA prezidenti Canni İnfantino Ağ Evdə ABŞ prezidenti ilə görüşüb. Tramp dünya çempionatının böyük, kifayət qədər mühüm əhəmiyyətli hadisə olduğunu bildirib.
İnfantino isə püşkatma bütün dünyada canlı yayımlanacağını və onu təxminən bir milyard tamaşaçı izləyəcəyini deyib.
Qeyd edək ki, DÇ-2026 turnirinə ABŞ, Kanada və Meksika evsahibliyi edəcək. Mundial iyunun 11-dən iyulun 19-dək davam edəcək.
İdman.biz
