Idman.biz
ABŞ-də keçirilən 2025-ci il FIFA klubların dünya çempionatı davam edir.
İdman.biz xəbər verir ki, mundialda artıq qrup mərhələsi başa çatıb.
32 komandanın iştirakı ilə 48 matç keçirilib və ümumilikdə qapılara 144 top vurulub. Bu da orta hesabla hər oyunda 3 qol deməkdir.
Yarışın bombardirləri Vessam Abu Ali ("Əl-Əhli"), Anxel Di Maria ("Benfika"), Camal Musiala, Maykl Olise (hər ikisi "Bavariya") və Kenan Yıldız ("Yuventus") da hərəyə 3 dəfə fərqləniblər.
48 oyunda stadionlarda ümumi tamaşaçı sayı 1668419 nəfər olub ki, bu da orta hesabla hər oyunda 34759 azarkeş deməkdir.
Pasadenada "Rose Bowl"da PSJ - "Atletiko Madrid" matçını (4:0) izləyənlərin sayı 80619 nəfər olub: bu, 2025-ci il FIFA klubların dünya çempionatının rekord göstəricisidir.
İdman.biz
