İdman.biz
Hans-Diter Flik "Barselona"dakı karyerasına üç qələbə ilə başlayıb.
İdman.biz xəbər verir ki, "Blauqrana" La Liqanın III turunda "Rayo Valyekano"nu 2:1 hesabı ilə məğlub edib.
Bunadək kataloniyalılar "Valensiya" və "Atletik"i də eyni hesabla üstələyib. "Barselona"da keçirdiyi ilk üç matçda qələbə qazanan sonuncu baş məşqçi Luis Enrike olub.
O, 10 il əvvəl - 2014-cü ildə belə uğura imza atıb. 1988-ci ildən sonrakı müddətdə isə Yohan Kroyff, Karles Reşak və Tito Vilanova da buna nail olublar.
Qeyd edək ki, növbəti oyunda "Barselona" "Valyadolid"i qəbul edəcək. Bu görüş avqustun 31-də keçiriləcək.
İdman.biz
