İdman.biz
"Bakıdakı yarış sizi gərginlikdə saxlayır, daim sürəti dəyişməli olursunuz".
İdman.biz xəbər verir ki, "Alpha Tauri" pilotu Yuki Tsunoda belə hesab edir.
Yaponiyalı sentyabrın 13-15-də Azərbaycan Qran-prisinin keçiriləcəyi şəhər trası haqqında danışıb: "Bakı trasının son sağa döngədən birinci döngəyə kimi uzun sürətli hissəsinin İçərişəhərdə dar bir hissə ilə qeyri-adi kombinasiyasını çox bəyənirəm. Əvvəllər o, avtomobilimizə uyğun olub və mən orada iki dəfə xal qazanmışam. Divarlar yaxın yerləşir, buna görə də sürərkən xüsusilə dəqiq olmaq lazımdır. Bu il bəzi maneələri kənara çəkiblər və avtomobilləri evakuasiya etmək üçün əlavə qapılar artırıblar".
İdman.biz
