Idman.biz
İkiqat dünya çempionu Mika Hakkinen 14 yaşlı qızı Ellanın yaxın bir neçə il ərzində "Formula-1"də iştirak etmək potensialına malik olduğunu bildirib.
İdman.Biz bildirir ki, onun 11 yaşlı oğlu Daniel də pilot olmağa hazırlaşır.
"Ella və Daniel ciddi şəkildə məşq edirlər. Onlar hər gün on kilometr qaçır, uzanır, əzələlərini gücləndirir və pəhrizlərinə sadiq qalırlar. Hər aspekti yerinə yetirirlər. Deyə bilərəm ki, övladlarım "Formula-1"də Lyuis Hemiltonla eyni səviyyədə məşq edirlər. Heç bir şey nəzarətsiz qalmır", - Hakkinen deyib.
Hakkinen əmindir ki, tezliklə "Formula-1" yarışlarında qadın sürücü peyda olacaq: "Mənim buna inamım sarsılmazdır, mən 100 faiz əminəm. Qadın sürücülər 2030-cu ilə qədər ən yüksək səviyyəyə çatacaqlar - ya Ella, ya da başqa biri. Bəzi komandalar, şübhəsiz ki, nə vaxtsa pilot yeri üçün bir qız seçəcəklər".
