İdman.biz
"Formula-1" üzrə yeddiqat dünya çempionu Lyuis Hemilton həftəsonunun uğurlu startından sonra "Mercedes"in Azərbaycan Qran-prisi seçmə yürüşündə poul uğrunda mübarizə apara biləcəyini söyləməkdə çətinlik çəkib.
İdman.biz xəbər verir ki, britaniyalı cümə günü keçirilən məşqi lider "Ferrari"nin pilotu Şarl Leklerdən 0,066 saniyə geri qalaraq üçüncü yerdə başa vurub.
"Digər sürücülərlə müqayisədə uzun seriyada hansı nəticələr göstərdiyimi bilmirəm, amma elə də çox dövrə vurmadım. Deyəsən, "Red Bull" da "Ferrari" kimi sürətlidir, amma biz də yaxşı səviyyədəyik. Baxaq, bundan sonra nə olacaq. Bu il dəfələrlə olub ki, rəqiblər seçmə yürüşdə kəskin artırıblar, amma biz bunu etməmişik. Ona görə də proqnoz verməkdən çəkinmək və diqqəti işə yönəltmək daha yaxşıdır. Mən hələ də ümid edirəm ki, biz liderlərə yaxın olacağıq", – deyə "Mercedes"in mətbuat xidməti Hemiltondan sitat gətirir.
İdman.biz
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
