Idman.biz
Böyük Britaniyada ölkədə keçirilən "Formula-1" Böyük Britaniya Qran-prisinin 100 illiyinə həsr olunmuş xatirə sikkəsi buraxılacaq.
İdman.Biz xəbər verir ki, bu barədə Britaniya Kral Zərbxanasının mətbuat xidməti məlumat yayıb. Məlumata görə, sikkənin nominal dəyəri 50 pens olacaq.
Sikkənin üzərində 1926-cı ilə aid yarış bolidi və müasir "Formula-1" avtomobili təsvir ediləcək.
Qeyd edək ki, Böyük Britaniya Qran-prisi 1926-cı ildən keçirilir və ilk dəfə "Bruklends" trasında baş tutub. 1987-ci ildən yarışlar "Silverstoun" trasında təşkil olunur. 1950-ci ildən isə "Formula-1" dünya çempionatının mərhələsi statusunu daşıyır.
