İdman.biz
"Mersedes" komandası sentyabrın 13-15-də keçiriləcək Azərbaycan Qran-prisində çətinliklərlə üzləşəcəklərini düşünür.
İdman.biz xəbər verir ki, bunlar yarış yollarının xüsusiyyətləri ilə bağlıdır.
Lakin konsernin baş yarış mühəndisi Endryu Şovlinin sözlərinə görə, mövsümün qalan hissəsinin bütün mərhələlərində mümkün qədər yaxşı çıxış etmək üçün hər şey edilir.
"Sizin Bakıdakı trekdə hansı mövqelərdə olacağınızı təxmin etmək həmişə çox çətin olub. Bu, olduqca qeyri-adi şəhər halqasıdır. Çünki yol çox dar, dolama və çox yavaş ikinci hissəyə malikdir. Lakin bundan sonra həqiqətən uzun düz yol gəlir. Amma bu il başqa bir çətinlik də var: istənilən trasda qüvvələr balansı elə ola bilər ki, ən azı üç, hətta dörd komanda bir-birindən 1/10 və ya 2/10 göstərici ilə fərqlənə bilər. Bu səbəbdən sıralanma nəticələrinin necə olacağını və kimin yarışda hansı tempə qadir olacağını proqnozlaşdırmaq çox çətindir", - deyə Şövlin bildirib.
Mühəndis Bakıda qüvvələr balansını da dəyərləndirib: "Maklaren"in sürətlə gedəcəyini gözləyirik, lakin son vaxtlar "Ferrari"nin də artırdığını görürük. Həmçinin, "Red Bull"u da heç vaxt hesabdan silmək olmaz".
İdman.biz
