İdman.biz
Azərbaycan Qran-Prisinin ikiqat qalibi Serxio Peres 2025-ci ildə də karyerasını "Red Bull"da davam etdirəcək.
İdman.biz xəbər verir ki, bu barədə İspaniyanın "Marca" qəzeti öz mənbələrinə istinadən yazıb.
Meksikalının "Formula-1"dəki karyerasını bitirəcəyi və bunun hətta çempionatın sonuna kimi reallaşacağı ilə bağlı bütün fərziyyələrin şayiədən başqa bir şey olmadığı ortaya çıxıb və onların heç biri təsdiqlənməyib.
İspan nəşrinin yazdığına görə, 2025-ci ildə Peres daha da güclü maliyyə dəstək əldə edəcək və əvvəlki sponsorlarından əlavə yeniləri də olacaq.
Tamamilə aydındır ki, Pereslə bağlı sırf biznes hesablamaları üstünlük təşkil edir: ekspertlərin fikrincə, onun sponsorları komandaya təxminən 30 milyon dollar ödəyirlər.
İdman.biz
