İdman.biz
"Red Bull" komandasının pilotu Serxio Peres bu həftəsonu bəlkə də özü üçün sonuncu Meksika Qran- Prisində çıxış edəcək.
İdman.biz xəbər verir ki, startdan əvvəl xarici media "Red Bull" pilotunun şansları ilə bağlı fikirlər səsləndirib.
"Peresdən mümkün sonuncu çıxışından nə gözləmək olar? Çox güman ki, o, hazırkı mövsümün nəticələrinə görə orta göstəricidən daha yaxşı çıxış edəcək. Çekonun öz ölkəsinin trekində yaxşı nəticələri var. "Force India" və "Racing Point" ilə Meksikada beş startdan dördündə xal qazanıb. Yerli tribunaların kumiri "Red Bull" sükanı arxasında da iki dəfə üçüncü olub", - Autosport.com qeyd edir.
"Sırf texniki nöqteyi-nəzərdən Mexiko treki Peres üçün idealdır. Üçüncü sektorda dar, dolama hissələrə görə yol ona sevimli şəhərləri - Sinqapur və Bakını qismən xatırladır. Üstəlik, meksikalı, ümumiyyətlə, yüksək mexaniki tutumlu və aşağı təzyiqli trekləri sevir. Tribunaların dəstəyi də Serxionu ruhlandırmalı və motivasiya etməlidir", - deyə yarış portalı mövzunu yekunlaşdırıb.
İdman.biz
