Idman.biz
Keçmiş "Formula-1" pilotu və ekspert Kristian Albers Maks Ferstappenin "Ferrari"yə qoşulma ehtimalı ilə bağlı fikirlərini bildirib.
İdman.Biz-in məlumatına görə, "Ferrari"nin Ferstappeni almaq imkanları böyükdür.
"Əgər "Ferrari" nəyi isə dəyişmək istəsə, kifayət qədər yaxşı şanslar var. Onlar 2027-ci ildə bu addımı atmaq qərarına gələ bilərlər. Hamilton təxminən eyni miqdarda pul qazanır, ona görə də Ferstappenin maaş tələbləri "Ferrari" üçün şok olmayacaq. Onların böyük cibləri var.
"Ferrari" başa düşür ki, Maksı gətirməklə hər dövrədə 0,3-0,4 saniyə qazana bilərlər. Çünki Maksı almaqla siz özünüzə həm də sürət üstünlüyü almış olursuz. Və bu, çox şeydir. Maşın üzərində işləməklə bunu kompensasiya edə bilmə ehtimalınız azdır. Maksın gəlişi komandanı müxtəlif mühəndislər üçün də cəlbedici bir yerə çevirir, hər kəs dünya çempionu ilə işləmək istəyir", - "F1Oversteer" Albersin sözlərini sitat gətirib.
