Report.az
"Zirə" komandası UEFA Konfrans Liqasının 2026/2027 mövsümündə ilk oyununu bu gün keçirəcək.
"Report"un məlumatına görə, Rəşad Sadıqovun baş məşqçisi olduğu kollektiv turnirin I təsnifat mərhələsində Gürcüstan təmsilçisi "Torpedo" ilə üz-üzə gələcək.
Qarşılaşma Mehdi Hüseynzadə adına Sumqayıt şəhər stadionunda, saat 20:00-da start götürəcək.
Matçın baş hakimi finlandiyalı FIFA referisi Yuri Hüytiya olacaq.
Xatırladaq ki, tərəflər arasında cavab görüşü iyulun 16-da Gürcüstanda keçiriləcək.
