Report.az
Gürcüstanın "Torpedo" klubu "Zirə"ni tam təhlil edib.
"Report"un məlumatına görə, bu barədə komandanın futbolçusu Komnen Andriç mətbuat konfransında deyib.
Serbiyalı oyunçu Sumqayıtda "Zirə"yə qarşı keçirəcəkləri UEFA Konfrans Liqasının I təsnifat mərhələsinin ilk oyunu haqqında fikirlərini bölüşüb:
"Zirə"ni tam təhlil etmişik. Azərbaycan çempionatını izləyirəm. İlk saniyələrdən topa nəzarət etməliyik. Yeni transferlər ediblər. Onları sürpriz komanda sayıram. Sabahkı matça hazırıq. Öz sözümüzü deməyə çalışacağıq".
Xatırladaq ki, "Zirə" - "Torpedo" oyunu iyulun 8-də, saat 20:00-da Mehdi Hüsenyzadə adına Sumqayıt şəhər stadionunda keçiriləcək. Cavab qarşılaşması iyulun 16-da baş tutacaq.
