Report.az
Səudiyyə Ərəbistanı millisinin dünya çempionatındakı yolu onlar üçün yaxşı təcrübə olub.
"Report" xarici mediaya istinadən xəbər verir ki, bunu adıçəkilən yığmanın baş məşqçisi Yorqos Donis Kabo Verdeyə qarşı DÇ-2026-nın qrup mərhələsinin oyunundan sonra deyib.
Mütəxəssis komandasının qol vəziyyətləri yaratmaqda problemlər yaşadığını bildirib:
"Hücumlar qurmaqda çox zəif çıxış etdik. Belə oyunla qələbə qazanmaq mümkün deyil. Bu gün ən böyük problemimiz qol vəziyyətləri yarada bilməməyimiz idi. Hücum xəttimiz istədiyimiz səviyyədə oynamadı.
"Bu, istədiyimiz nəticə deyildi. Özümüzə yaxın səviyyədə olan rəqibə qarşı bu cür çıxış narahatlıq doğurur. Bununla belə, dünya çempionatındakı yolumuz futbolçular üçün yaxşı təcrübə oldu və onlara təşəkkür edirəm".
Qeyd edək ki, Kabo Verde - Səudiyyə Ərəbistanı görüşündə hesab açılmayıb - 0:0.
