Report.az
Böyük oyunlarda ən kiçik səhvə də yer yoxdur.
"Report" xarici mediaya istinadən xəbər verir ki, bunu futbol üzrə Belçika millisinin baş məşqçisi Rudi Qarsiya İspaniyaya qarşı DÇ-2026-nın 1/4 final mərhələsinin oyunundan sonra mətbuat konfransında deyib.
Mütəxəssis məğlub olduqları görüşü şərh edib:
"İspaniyaya qarşı çox yaxşı oynadıq. Amma bu cür matçlarda ən kiçik səhvə belə yer yoxdur və biz iki dəfə yanlışa yol verdik. Yuri Tilemans oyundan əvvəl zədələndi, Kurtua isə matç zamanı sıradan çıxdı. Kevin De Brüyne də oyunu sona qədər davam etdirə bilmədi. Böyük oyunların taleyini xırda detallar həll edir. Belə güclü komandaya qarşı nə hədiyyə vermək, nə də səhv etmək olar. Təəssüf ki, məhz buna görə mübarizəni dayandırdıq".
Qeyd edək ki, İspaniya Belçika seçməsinə 2:1 hesabı ilə qalib gələrək yarımfinala adlayıb.
