Report.az
Portuqaliya millisi Xorvatiya üzərində qələbəni Dioqu Jotaya həsr edib.
"Report" xarici mediaya istinadən xəbər verir ki, bunu portuqaliyalıların baş məşqçisi Roberto Martines Xorvatiyaya qarşı DÇ-2026-nın 1/16 final mərhələsinin oyunundan sonra deyib.
Baş məşqçi qələbəni sabiq futbolçuları Rikardu Karvalyonun atasına, ötən il dünyasını dəyişən hücumçuları Dioqu Jotaya və bütün Portuqaliya xalqına həsr etdiklərini bildirib:
"Mesajımız o idi ki, hamımız hazırıq və dünya çempionatı bizim üçün bu gündən başlayır. Meydana yüksək temp, böyük əzm və qürur hissi ilə çıxmaq vacib idi. Bu komanda çox xüsusidir. Bu gün həm Rikardu Karvalyonun atasına, həm Dioqu Jotaya, həm də bütün Portuqaliya xalqına görə xüsusi əhəmiyyət daşıyırdı. Qələbəni onlara həsr edirik. Böyük məmnunluq və qürur hissi keçiririk. İndi isə diqqətimizi bərpaya yönəltməliyik, çünki növbəti oyun çox yaxındır".
Qeyd edək ki, Portuqaliya Xorvatiya seçməsinə 2:1 hesabı ilə qalib gələrək 1/8 finala adlayıb.
