Report.az
Özbəkistan seçməsi Konqo Demokratik Respublikası millisi ilə görüşdə etdiyi səhvlərin cəzasını ağır ödəyib.
"Report" xarici mediaya istinadən xəbər verir ki, bunu Asiya təmsilçisinin baş məşqçisi Fabio Kannavaro DÇ-2026-nın K qrupunun III turunda baş tutan Konqo ilə oyundan (1:3) sonra deyib.
İtaliyalı mütəxəssis məğlubiyyətin acı olduğunu söyləyib:
"Oyuna çox yaxşı hazırlaşmışdıq və birinci hissədə istədiyimiz kimi çıxış etdik. Bilirdim ki, çox enerji sərf edirik və çox qaçırıq, buna görə də ikinci hissədən narahat idim.
Fasilədə futbolçulardan daha da irəli getmələrini istədim, amma əvəzində səhvlər etdik və cəzasını ağır ödədik.
Əlbəttə, bu dünya çempionatı bizim üçün bir təcrübədir. Qürur duyuram, çünki futbolçular çətinlik çəksələr də, nəyə qadir olduqlarını göstərdilər".
