Report.az
Norveç millisi Braziliya ilə oyunda möhkəm və taktiki cəhətdən düzgün oyun göstərib.
"Report" xarici mediaya istinadən xəbər verir ki, bunu Avropa təmsilçisinin baş məşqçisi Stole Solbakken Braziliya seçməsinə qarşı DÇ-2026-nın 1/8 final mərhələsinin oyunundan sonra deyib.
Mütəxəssis qalib gəldikləri qarşılaşmanı şərh edib:
"Məncə, Norveç vətəndaşı olan hər kəs bu axşamdan zövq ala bilər. Bu, əsl dramatik oyun idi. Hər iki tərəf qələbə qazana bilərdi. Amma biz möhkəm və taktiki cəhətdən düzgün oyun göstərdik. Bir neçə top itkimiz oldu ki, bu da bizə baha başa gələ bilərdi. Lakin ümumilikdə nəticə bizim xeyrimizə oldu və bununla çox qürur duymalıyıq".
Qeyd edək ki, Norveç Braziliya millisinə 2:1 hesabı ilə qalib gələrək 1/4 finala yüksəlib.
