Report.az
Uruqvay millisinin baş məşqçisi Marselo Byelsa yığmada nəticə verməyən məşqçi kimi xatırlanacağını düşünür.
"Report" xarici mediaya istinadən xəbər verir ki, bunu Cənubi Amerika təmsilçisinin baş məşqçisinin özü İspaniyaya qarşı DÇ-2026-nın qrup mərhələsinin oyunundan sonra deyib.
Mütəxəssis məğlub olduqları qarşılaşma barədə danışıb:
"Uruqvay millisinin futbolçularının potensialından maksimum yararlana bilmədim. Valverdeni əvəzləməklə hücum xəttində daha çox təsir gücü yaratmaq istəyirdim. Uruqvay futboluna verdiyim töhfə əslində heç nədir. Çünki baş məşqçinin milli komandaya etdiyi istənilən xidmət müsbət nəticə ilə tamamlanmırsa, onun heç bir əhəmiyyəti qalmır. Necə xatırlanacağımı soruşsanız, deyərəm ki, məni nəticə verməyən biri kimi xatırlayacaqlar.
"Oyun kifayət qədər bərabər mübarizə şəraitində keçdi. Heç-heçəyə layiq idik və ən azı bir xal qazanmalı idik. Problem komandamızın oyununda deyildi".
Qeyd edək ki, İspaniya yığması Uruqvayı 1:0 hesabı ilə məğlub edib.
