Report.az
Romelu Lukaku Belçika millisində ən çox oyun keçirən üçüncü futbolçu olub.
"Report" xəbər verir ki, 33 yaşlı hücumçu buna DÇ-2026-nın G qrupunun II turunda İranla matçda iştirak etməklə yiyələnib.
Qarşılaşmaya ilk "11-lik"də başlayan forvard 73-cü dəqiqədə əvəzlənib. Lukaku yığmada 128 matçda 90 qol, 19 məhsuldar ötürmə ilə yadda qalıb. Aksel Vitsel (138) bu göstəricidə ikinci, Yan Vertongen (157) üçüncü pillədədir.
Xatırladaq ki, Belçika millisi İranla heç-heçə edib - 0:0. ABŞ, Kanada və Meksikada keçirilən DÇ-2026 iyulun 19-da başa çatacaq.
