Report.az
Argentina millisinin hücumçusu Lionel Messi futbol üzrə dünya çempionatlarında yeni rekorda imza atıb.
"Report" xəbər verir ki, 38 yaşlı futbolçu DÇ-2026-nın qrup mərhələsinin ilk turunda Əlcəzairə qarşı keçirilən oyunda meydana çıxmaqla mundiallarda 6 dəfə iştirak edən ilk oyunçu olub.
Meydana çıxması ilə Messi dünya çempionatları tarixində keçirdiyi oyunların sayını da 27-yə çatdıraraq rekordu yeniləyib. Hələ karyerasını davam etdirən futbolçular arasında bu göstəricidə ona ən yaxın olan Kriştianu Ronaldu 22 oyunla ikinci yerdə qərarlaşıb.
Qeyd edək ki, Lionel Messi hazırda ABŞ-nin "İnter Mayami" klubunda çıxış edir. O, Argentina millisinin heyətində 2022-ci ildə dünya çempionu olub, 2014-cü ildə isə gümüş medal qazanıb. Messi karyerasında 8 qat "Qızıl top"un sahibdir.
