Report.az
Kolumbiya yığması DÇ-2026-nın 1/16 finalında Qanaya 1:0 hesabı ilə qalib gələrək turnirdə ardıcıl 3 matçda qapısını toxunulmaz saxlayıb.
"Report" "Opta"ya istinadən xəbər verir ki, kolumbiyalılar dünya çempionatları tarixində ilk dəfə ardıcıl 3 oyunda qol buraxmamağa nail olublar.
Komanda turnirdə cəmi 1 qol buraxıb və bu, qrup mərhələsinin 1-ci turunun Özbəkistanla matçında qeydə alınıb.
Yarışda qapısından qol buraxmayan komandalar Meksika və İspaniya milliləridir.
Qeyd edək ki, 1/8 finala yüksələn Kolumbiya bu mərhələdə İsveçrə ilə qarşılaşacaq.
