Kanada millisinin baş məşqçisi: İsveçrəyə qarşı kifayət qədər aqressiv deyildik

Kanada millisi İsveçrə ilə görüşdə yetərincə aqressiv futbol nümayiş etdirməyib.

"Report" xarici mediaya istinadən xəbər verir ki, bunu Şimali Amerika təmsilçisinin baş məşqçisi Cesse Marş DÇ-2026-nın qrup mərhələsində İsveçrəyə qarşı keçirilən oyundan sonra deyib.

Mütəxəssis məğlub olduqları qarşılaşmadan danışıb:

"Xarakterli futbolçulardan ibarət komandamız var. Kollektivimiz var ki, hər an meydanda sonadək mübarizə aparmağa hazırdır. Sadəcə oyunun kiçik, amma həlledici məqamlarını daha yaxşı idarə etməliyik. Matçın əvvəlində bir qədər tərəddüdlü oynadıq və kifayət qədər aqressiv deyildik. Fasilədə müdafiəni gücləndirmək üçün beş arxa xətt oyunçusu ilə oynamağı düşünürdüm və indi hesab edirəm ki, bunu etsəydik daha yaxşı olardı".

O, yığmanı daim dəstəkləyən azarkeşlərə öz təşəkkürünü bildirib:

"Biz sadəcə Kanadada formalaşan müsbət futbol enerjini davam etdirmək istəyirdik. Məyusedici məqam ondan ibarətdir ki, qələbədən sonra bu uğuru əldə saxlamaq asan olmir. Azarkeşlərin yaratdığı atmosferə və ölkənin dəstəyinə görə çox minnətdaram. Amma biz Los-Ancelesə yollanacağıq və hələ də ölkəmizə sevinc yaşatmaq istəyirik. Məqsədimizə çatmışıq – pley-off mərhələsinə yüksəlmişik. Alfonso Deyvisin növbəti oyuna hazır olacağını düşünürük".

Qeyd edək ki, B qrupunun sonuncu - III turunun matçında İsveçrə Kanadaya 2:1 hesabı ilə qlaib gəlib.