Report.az
Kanada millisi uzun müddət məğlub olmayan Mərakeş yığmasına qarşı mübarizə aparıb.
"Report" xarici mediaya istinadən xəbər verir ki, bunu Şimali Amerika təmsilçisinin baş məşqçisi Cesse Marş DÇ-2026-nın 1/8 final mərhələsində Mərakeşə qarşı keçirilən oyundan sonra deyib.
Mütəxəssis məğlubiyyətə görə üzgün olduqlarını bildirib:
"Rəqib bizə baxanda bir neçə epizodu daha yaxşı dəyərləndirdi. Məsələ oyunun tempini və ya aqressivliyini artırmaq deyildi. Sadəcə, hücumun son mərhələsində daha keyfiyyətli idilər, biz isə həlledici anlarda lazım olan son ötürməni və ya düzgün qərarı verməkdə bir qədər çətinlik çəkdik.
Uzun müddətdir məğlub olmayan belə güclü rəqibə qarşı sonadək müqavimət göstərdik. İlk hissədə, eləcə də ikinci yarının əvvəlində meydanda üstün tərəf məhz biz idik. Sadəcə, bir epizod oyunun taleyini həll etdi və hesabda irəli çıxıdılar. Bununla belə, azarkeşlərimiz belə bir komandaya sahib olduqları üçün qürur duya bilərlər. Çünki bu komanda heç vaxt geri çəkilmir, hər oyunda qələbə uğrunda cəsarətlə mübarizə aparır".
Qeyd edək ki, Mərakeş millisi Kanadanı 3:0 hesabı ilə məğlub edərək 1/4 finala yüksəlib.
