Report.az
Kabo Verde millisi DÇ-2026-da öz oyun üslubunu və kimliyini ortaya qoyub.
"Report" xarici mediaya istinadən xəbər verir ki, bunu adıçəkilən yığmanın baş məşqçisi Bubista Argentinaya qarşı mundialın 1/16 final mərhələsinin oyunundan sonra mətbuat konfransında deyib.
Mütəxəssis futbolçularının nümayiş etdirdiyi əzmkarlığı yüksək qiymətləndirib:
"Ölkəmizin kimliyini və ruhunu layiqincə təmsil etdik. Dünya çempionuna qarşı iki dəfə hesabı bərabərləşdirdik, oyunu əlavə vaxta daşıdıq. Hər şeydən önəmlisi, futbolçularımızla qürur duyuruq. Biz öz oyun üslubumuzu və kimliyimizi ortaya qoyduq".
Qeyd edək ki, Argentina Kabo Verde seçməsinə 3:2 hesabı ilə qalib gələrək 1/8 finala adlayıb.
