Report.az
İngiltərə yığmasının müdafiəçisi Carell Kuansa 2026-cı il dünya çempionatının 1/8 finalında Meksika ilə matçda (2:3) qırmızı vərəqə alması ilə əlaqədar iki oyunluq diskvalifikasiya cəzası alıb.
"Report" xəbər verir ki, bu barədə FIFA-nın rəsmi saytına istinadən jurnalist Ben Ceykobs məlumat yayıb.
Kuansa iyulun 12-də keçiriləcək Norveçlə 1/4 final matçını, eləcə də İngiltərə yığması qalib gələcəyi təqdirdə dünya birinciliyinin yarımfinal oyununu buraxacaq.
Xatırladaq ki, İngiltərə yığmasının müdafiəçisi baş hakim Əlirza Fəqaninin qərarı ilə birbaşa qırmızı vərəqə alıb. Kuansa sürüşərək müdaxilə zamanı rəqibin müdafiəçisi Xesus Qalyardonun ayağına zərbə endirib. İngiltərə Futbol Assosiasiyası öz müdafiəçisinin diskvalifikasiya qərarını şikayət etmək istəyir.
