Report.az
İngiltərə millisi Meksika ilə matçda əsl xarakter nümayiş etdirib.
"Report" xarici mediaya istinadən xəbər verir ki, bunu Avropa təmsilçisinin baş məşqçisi Tomas Tuxel Meksikaya qarşı DÇ-2026-nın 1/8 final mərhələsinin oyunundan sonra deyib.
Mütəxəssis qələbə qazandıqları oyunu şərh edib:
"Qələbəyə görə böyük qürur duyuram. Bu qalibiyyət üçün əlimizdən gələni etməli olduq. Oyun son dərəcə çətin keçdi. Bəzi anlar olurdu ki, təşəbbüsü ələ aldığımızı düşünürdük, amma dərhal çətinliklərlə üzləşirdik. Komandamız əsl xarakter nümayiş etdirdi. İşlər çətinləşəndə belə, futbolçular heç vaxt təslim olmadılar və qələbəyə inamlarını itirmədilər. Bu, irəliyə doğru daha bir addım idi".
Qeyd edək ki, İngiltərə Meksika millisinə 3:2 hesabı ilə qalib gələrək 1/4 finala yüksəlib.
