Report.az
İngiltərənin "Mançester Yunayted" və Almaniyanın "Bayer 04" komandasının sabiq baş məşqçisi Erik ten Haq Niderland millisində işləməkdən imtina edib.
"Report" xarici mətbuata istinadən xəbər verir ki, mütəxəssis bu barədə özü açıqlama verib.
O, bu iş üçün əlçatan olmadığını vurğulayıb:
"Bu seçimi şüurlu şəkildə etmişəm. Ən azı növbəti iki il ərzində bütün diqqətimi hazırkı layihəmə yönəldəyəcəyəm".
Erik ten Haq 2026-cı ilin əvvəlindən "Tvente"nin texniki direktorudur.
Xatırladaq ki, Niderland millisi DÇ-2026-nın 1/8 finalında Mərakeşə uduzduqdan sonra baş məşqçi Ronald Kumanla vidalaşıb.
