Report.az
2026-cı ilin futbol üzrə dünya çempionatında avtoqolların sayına görə yeni rekord qeydə alınıb.
"Report" xəbər verir ki, rekord Avstraliya və Misir milliləri arasında 1/16 final matçında yenilənib.
Növbəti avtoqolun müəllifi Misir millisinin müdafiəçisi Mohamed Hani (55) olub. Bu, onun turnirdə öz qapısına vurduğu ikinci qol olub. O, daha əvvəl qrup mərhələsinin Belçika yığmasına qarşı matçında (1:1) avtoqol sahibi olub.
2026-cı ilin dünya çempionatında ümumilikdə 13 avtoqol qeydə alınıb. Əvvəlki rekord 2018-ci ildə Rusiyada keçirilən turnirə aid idi, burada futbolçular öz qapılarını 12 qol vurublar. Dünya çempionatı ABŞ, Kanada və Meksikada 48 komandanın iştirakı ilə keçirilir. Turnir iyulun 19-da başa çatacaq. Hazırkı dünya çempionu Argentina yığmasıdır.
