Report.az
İspaniyanın "Barselona" klubu La Liqanın digər təmsilçisi "Atletiko"nun hücumçusu Xulian Alvaresin transferindən imtina etmək istəyir.
"Report" "Sport.es"ə istinadən xəbər verir ki, buna səbəb Kataloniya klubunun "Bornmut"dan (İngiltərə) 19 yaşlı forvard Eli Krupini heyətinə qatmaq niyyətində olmasıdır.
Lakin "Bornmut"un futbolçunun satışından 100 milyon avro qazanmaq niyyətində olduğu və bu barədə qarşı tərəfə məlumat verildiyi bildirilib.
Fransa təmsilçisi PSJ və İngiltərənin digər klubu "Arsenal" da Krupinin çıxışını yaxından izləyir. Futbolçunun klubu ilə müqaviləsinin müddəti 2030-cu ilin yayına qədərdir.
Qeyd edək ki, E.Krupi 2025/2026 mövsümündə "Bornmut"un heyətində meydana çıxdığı 35 oyunda 13 qol vurub. "Transfermarkt" portalına əsasən, onun dəyəri 70 milyon avro təşkil edir.
