Report.az
ABŞ Daxili Təhlükəsizlik Nazirliyi futbol üzrə dünya çempionatında İran millisinin növbəti oyunu üçün Birləşmiş Ştatlara giriş məhdudiyyətlərini ləğv edəcək.
"Report" "Haber Global"a istinadən xəbər verir ki, nazirlik İran millisinin 26 iyunda Sietl şəhərində son qrup oyunu ərəfəsində səyahət məhdudiyyətlərinin yüngülləşdiriləcəyi bildirilib.
İran futbol komandasının cümə günü Misirlə oynayacağı oyundan iki gün əvvəl Sietlə səyahət etməsinə icazə veriləcəyi və beləliklə, komandanın ilk iki oyunu ilə müqayisədə ABŞ-də əlavə bir gün keçirəcəyi ifadə edilib.
Komandanın oyundan sonra Meksikanın Tixuana şəhərindəki əsas düşərgəsinə qayıdacağı qeyd olunub.
Sözügedən dəyişiklik, İran futbol federasiyasının turnir boyunca komandaya qarşı rəftarla bağlı FIFA-ya rəsmi şikayət etməyi planlaşdırdığını açıqlamasından sonra baş verib.
Xatırladaq ki, İranın son oyunu Los-Anceles stadionunda Belçika ilə baş tutub və hesab açılmayıb - 0:0. Bundan əvvəl İran və Yeni Zelandiya oyununda da qalib müəyyənləşməyib.
İran yığmasının yer aldığı G qrupuna 4 xalla Misir liderlik edir, İran və Belçikanın 2, Yeni Zelandiyanın isə 1 xalı var. İran millisi son oyunda Misirlə üz-üzə gələcək.
