İdman.biz
Gələn il avqustun 7-17-də Çinin Çenqdu şəhərində keçiriləcək Ümumdünya Oyunlarının Təşkilat Komitəsi starta geri sayıma başlayıb.
İdman.biz xəbər verir ki, multiidman forumunun başlamasına 300 gün qalıb.
Azərbaycan millisi yarışda geniş tərkibdə təmsil olunacaq. Təkcə gimnastikada idmançılarımız üç növdə çıxış edəcəklər: Tamblinq (Mixail Malkin), akrobatika (qarışıq cütlük Ağasif Rəhimov - Razia Seidli, kişi dueti Murad Rəfiyev - Daniel Abbasov, həmçinin Riad Səfərov, Rəsul Seyidli, Abdullah Əl-Meşaihi və Seymur Cəfərovdan ibarət kişi qrupu) və aerobika (qarışıq cütlük Vladimir Doltov - Mədinə Mustafayeva).
Karate üzrə üçqat dünya çempionu İrina Zaretska (68 kq) da Ümumdünya Oyunlarına vəsiqə qazanıb.
İdman.biz
