İdman.biz
Qadın həndbolçulardan ibarət "Qarabağ" klubunun növbəti avrokubok matçlarının vaxtı dəqiqləşib.
İdman.biz xəbər verir ki, Avropa kubokunda mübarizə aparan təmsilçimiz III mərhələnin "Qaliçanka" ilə hər iki oyununu Azərbaycanda keçirəcək.
Ukrayna klubunun nominal meydan sahibi olacağı ilk görüş noyabrın 16-da baş tutacaq. "Qaliçanka" "Qarabağ"ı Mingəçevirdə qəbul edəcək. Qarşılaşma saat 14:00-da başlayacaq.
Ertəsi gün cavab oyunu da eyni meydanda keçiriləcək. "Qarabağ"ın meydan sahibi olduğu matç saat 12:00-da start götürəcək.
Qeyd edək ki, "Qarabağ" bu mərhələni də adlasa, 1/8 finala yüksələcək.
İdman.biz
