İdman.biz
"Bu cür yarışda iştirak etmək qürurverici hissdir".
İdman.biz xəbər verir ki, bunu Paris-2024 Paralimpiya Oyunlarının iştirak edən Azərbaycan millisinin taekvondoçusu Sabir Zeynalov (58 kq) Heydər Əliyev Beynəlxalq Aeroportunda qarşılanma mərasimində deyib.
Bürünc medal mükafatçısı bildirib ki, yeni məqsədi 2028-ci ildə Los Angelesdəki Paralimpiya Oyunlarında qızıl medalı təmin etməkdir:
"Əlimdən gələnin ən yaxşını edəcəm ki, 4 il sonra artıq Vətənə qızıl medalla qayıdım. İndiki əsas hədəfimdə çempionluq idi. Lakin bəzi səhvlərimə görə bu alınmadı. Düzdür, məyus oldum. Amma səhvlərdən dərs çıxartmaq lazımdır. Bütün bunların hamısı həm də bir təcrübədir".
Qeyd edək ki, Azərbaycanın parataekvondo millisi Paralimpiya Oyunlarını 1 qızıl və 1 bürünc medalla başa vurub.
Banuçiçək Hüseynli
İdman.biz
