İdman.biz
Türkiyə millisinin şərəfini qoruyan azərbaycanlı atlet Ramil Quliyev karyerasını başa vurub.
Bu barədə məlumatı İdman.bizə dünya çempionunun özü verib.
34 yaşlı idmançı ehtiyac duyucağı halda yenidən start xəttinə çıxa biləcəyini də istisna etməyib: "Peşəkar karyeramı bitirmişəm. Ola bilsin ki, lazım gələrsə, estafet komandasında çıxış edim. Amma bu mövzu ilə bağlı hələlik federasiya ilə danışmamışıq. İdmanla hazırda yalnız zövqüm üçün məşğul oluram".
Qeyd edək ki, dünya və Avropa çempionu ötən il zədələndiyi üçün yalnız Paris-2024 Yay Olimpiya Oyunları ərəfəsində yarışlara qatılıb. Lakin dördilliyin məhtəşəm yarışında iştirak hüququ qazana bilməyib.
Emin Ağa
İdman.biz
