Sport24.az
İrlandiyanın "Sent-Patriks" klubunun baş məşqçisi Stiven Kenni Konfrans Liqasının seçmə mərhələsinin 3-cü turunun Dublində "Sabah" üzərində qazandıqları qələbədən danışıb. Sport24.az xəbər verir ki, irandiyalı çalışdırıcı pley-off mərhələsinə vəsiqə qazanmaq istədiklərini söyləyib:\
"Təəssüf ki, ikinci qolu vura bilmədik. Amma hər şey o qədər də asan deyil. "Sabah" ikinci hissənin çox hissəsini on nəfərlə oynadı, bilmirəm necə oldu ki, daha çox qol vurmaq alınmadı. Gələn həftə bizi çətin şəraitdə çox çətin cavab oyunu gözləyir. Mübarizə aparmalı olacağıq. İlk görüşümüzdə qol buraxmadıq ki, bu da çox vacib idi. Axı rəqibin bizi məğlub etməsi üçün iki top fərqi ilə qalib gəlməsi lazımdır.Əgər oyundan əvvəl bizdən 1:0 hesabı ilə qalib gəlsək, necə hiss edəcəyimizi soruşsaydınız, tam olaraq sevinəcəyimizi deyərdik. Açığı, bu qələbə böyük nəticədir. Çünki "Sabah" bu kalibrli komanda olan "Makkabi"ni (Hayfa) mübarizədən kənarlaşdırmışdı. Bu qələbə cavab oyununda bizi ruhlandıra bilər. Pley-offa çıxmaq böyük stimuldur. Məqsədimiz Konfrans Liqasının qrup mərhələsinə düşməkdir".
Qeyd edək ki, "Sabah" - "Sent-Patriks" matçı avqutsun 15-i saat 20:00da başlayacaq. Oyun "Bank Respublika Arena"da oynanılacaq.
